Tíðindi: Almenn tíðindi Ι .
Nevndin í Føroya Arbeiðsgevarafelag víðkað
Eykaaðalfundur var í felagnum í farnu viku

 

Fríggjadagin í farnu viku hevði Føroya Arbeiðsgevarafelag eykaaðalfund, har víðkan av nevndini úr 7 nevndarlimum til 9 nevndarlimir var á skrá.

 

Ein av orsøkunum til, at nevndin í Føroya Arbeiðsgevarafelag nú skjýtur upp at fáa tveir nevndarlimir afturat, er, at fleiri arbeiðsgevarasamskipanir við árunum eru vorðnar limir í felagnum. Samstundis hevur felagið eisini fingið fleiri sáttmálar undir seg og fleiri fakfeløg at samstarva við.

 

Nevndin í Føroya Arbeiðsgevarafelag hevur talt sjey limir síðan 1992. Tá varðaði felagið av knapt 10 sáttmálum við 7 fakfeløg. Hetta talið er nú knapt 40 sáttmálar við 18 fakfeløg.

 

Eykaaðalfundurin samtykti uppskotið, og nýggir nevndarlimir í Føroya Arbeiðsgevarafelag eru Árni Ellefsen, stjóri í BankNordik, og Odd Eliasen, stjóri á Havsbrún. 

 

 

 

Fleiri tíðindi í hesum bólki
Fleiri tíðindi