Tíðindi: Handilsvinna Ι 19. februar 2018
Handilsvinnuráðstevnan 2018 er av
Handils- og søluáhugað hittust hósmorgunin til áhugavert kjak og til kveikjandi og kunnandi framløgur á Østrøm

 

Lagt var fyri við almennari framløgu av nýggju føroysku pantskipanini, sum Handilsvinnufelagið hevur arbeitt við seinastu tíðina.

 

Síðani greiddi svenski rekruteringsserfrøðingurin Ulrica Ekeroth frá um framtíðarinnar sølutalent, hvørji tey eru, og hvussu vit fáa fatur á teimum.

 

Vegna forfall hjá Gilla Haraldsen var eisini framløga um Talgildu Føroyar á skránni, har verkætlanarstjórin Nicolai Mohr Balle greiddi frá verkætlanini, hvar tey eru nú, og hvat liggur fyri framman.

 

Tiltakið endaði við einum áhugaverdum kjaki millum Kristinu Háfoss, landsstýriskvinnu í fíggjarmálum og Regin W. Dalsgaard, næstformann í Handilsvinnufelagnum, har evnið var smærru pakkarnir úr útlandinum og smálutamarkið. Jón Brian Hvidfeldt var orðstýrari.

 

Nýggja føroyska pantskipanin hjá Handilsvinnufelagnum kann lesast her

 

 

Fleiri tíðindi í hesum bólki
Fleiri tíðindi