Tíðindi: Almenn tíðindi Ι 26. februar 2018
Føroyskar fyritøkur á handilsferð í Turkalandi
Í hesum døgum skipar Uttanríkis- & vinnumálaráðið fyri handilsferð í Turkalandi.

 

Poul Michelsen, landsstýrismaður, og fleiri føroyskar fyritøkur eru í Istanbul, har tey vitja turkiskar fyritøkur og kunna seg um marknaðarviðurskiftini í Turkalandi.

 

Fyritøkurnar eru bæði frá útflutningsvinnuni og innflutningsvinnuni. Innan útflutning eru tað serliga fyritøkur, sum selja upsa og pelagisk fiskasløg, sum eru við á ferðini. Frá innflutningsvinnuni er meira blanda, men tað eru fyritøkur, sum innflyta ymisk amboð og eykalutir.

 

Ferðalagið verður aftur í Føroyum hósdagin 1. mars.

 

Ferðin er komin í lag eftir, at Føroyar fingu handilssáttmála við Turkalandi  í lag í 2017.

 

 

 

 

Fleiri tíðindi í hesum bólki
Fleiri tíðindi