Tíðindi: Handverk og ídnaður Ι 12. mars 2018
Yrkisútbúgvingar til fólkaskúlan
Í farnu viku greiddu handverkarar og onnur yrkislærd fólkaskúlanæmingum frá sínum yrki. Vónin er, at fleiri teirra fara í læru og sostatt fylla stóra tørvin, sum samfelagið hevur á handverkarum og øðrum yrkislærdum.

 

”Greið frá tínum yrki” er tiltak, har handverkarar og yrkislærd greiða næmingum í 8. flokki frá sínum lívi við eini yrkisútbúgving. Tey greiða m.a. frá, hvussu tað er at vera í læru og um teir mongu møguleikar, sum hendan útbúgvingin hevur givið teimum.

 

Tiltakið varð fyriskipað av Føroya- og Havnar Handverksmeistarafelag, Handilsvinnufelagnum, Ferðavinnufelagnum og KT-felagnum í samstarvi við Yrkisdepilin og Tórshavnar kommunu.

 

”Vit skipa fyri hesum átakinum, tí vit ynskja at bjóða ungdóminum at taka eina dygdargóða útbúgving”, sigur Sámal Erik Hentze, formaður í Havnar Handverksmeistarafelag. ”Tað tykist ikki, sum at tað er nakað serligt av handverki í fólkaskúlanum. Hetta halda vit vera stórt spell, tí tað finst ein ørgrynna av lærlingaútbúgvingum, sum eru bæði spennandi og gevandi.”

 

”Men áhugin í tí handaliga er sjónligur í fólkaskúlanum” heldur Sámal Erik Hentze.” Í øllum førum taka bæði næmingar og lærarar sera væl ímóti tiltakinum”. Yrkisdepilin, Tórshavnar kommuna og fólkaskúlarnir í Tórshavnar kommunu skipaðu soleiðis fyri, at allir næmingar í 8. flokki í kommununi komu at lurta.

 

Tiltakið var í Reinsarínum, Miðlahúsinum og hølunum har á leið. Tey, sum greiddu frá, vóru:

 

Ransin Djurhuus

Málari

Ransin Djurhuus málarameistari

Sjúrður Jacobæus

Gartnari

Hjálpirót

 

Teodor Thomassen

Rørsmiður

Demich

 

Bogi Fossdal

Byggismiður

Articon

 

Sarah Jensen

Hárfríðkan

Karin´sa

 

Ragnar Nesstein

Stálskipasmiður

Mest

 

Sunneva Sólarrís

Timbur

Eysturlon

 

Olgar Nielsen

Bilsmiður

Reyniservice

 

Rósa Maria Egholm

Krambakvinna

Rit & Rák

 

Hans Jákup Abrahamsen

Kokkur

Smyril Line

 

Kjartan Højgaard

Elektrikari

LM Electric

 

Kristian Eysturoy

KT-supportari

Elektron

 

Jórun Mørkøre

Bakari

Mylnan

 

 

 

Hetta er triðja árið, at skipað verður fyri hesum tiltakið. Fysta árið var tiltakið fyri Skúlanum á Fløtum. Í fjør vóru allir skúlarnir í Tórshavnar kommunu. Í ár verður tiltakið víðkað soleiðis, at næmingarnir í 8. flokki á Skúlatrøð í Klaksvík eisini fáa høvi at hoyra handverkarar og onnur yrkislærd greiða frá.

 

 

 

Fleiri tíðindi í hesum bólki
Fleiri tíðindi