Í farnu viku var aðalfundur í Føroya Ráfiskakeyparafelag. Í sambandi við, at North Atlantic Fish Fair var í Klaksvík í døgunum 5.-7. Apríl, varð aðalfundurin í ár hildin í Klaksvík.
Aðalfundurin skuldi hesaferð velja tríggir nevndarlimir. Regin Mikkelsen varð afturvaldur og Fríðin Ziskason og Ludvík við Stein vórðu nývaldir í nevndina. Jógvan Gregersen og Petur Mohr stóðu ikki fyri vali og halda fram í nevndini. Nevndin skipar seg seinni.
Ársfrágreiðingin hjá felagnum kann lesast á heimasíðuni hjá Vinnuhúsinum.