Kom á Vinnudagin 20. september og hoyr Alexander Bard um framtíðarhugsan og AI.
Alexander Bard er í Svøríki eitt kent navn sum kjakari, cyberfilosofur og sjónvarpsvertur. Sum røðari tekur hann spurningin um talgilding og tær avleiðingar, hon hevur á samfelagið. Alexander er eisini partur av teimum sermerktu poppbólkunum Army of Lovers og BWO, har hann er kendur fyri sín førleika at draga til sín uppmerksemi.
Á Vinnudegnum fer Alexander at hugleiða um AI. Hann fer við heitinum How The Internet changed the world forever, and how AI is The Internet becoming intelligent at tosa um, hvussu vit kunnu skilja og gagnnýta tær broytingar, ið AI og internetið bera við sær. Við sínari serstøku blanding av heimspeki, tøkni og samfelagskritikki, gevur hann eina nýggja og øðrvísi fatan av, hvussu framtíðin fer at síggja út.
