Almennu útreiðslurnar í Føroyum mugu niður

13. februar. 2012 | Áskoðan

Tann almenni geirin er seinastu árini vorðin ein alsamt størri partur av føroyska búskapinum.

Tøl hjá Hagstovu Føroya vísa, at føroysku almennu útreiðslurnar, máldar sum prosent av BTÚ, eru á sama støði sum í Danmark. Danmark hevur sambært OECD størsta almenna geiran í heiminum.
Síðan 1997 eru útreiðslurnar hjá Landskassanum til rakstur øktar úr 2,3 mia. kr. upp í 4,6 mia. Kr í 2010. Í sama tíðarskeiði eru samlaðu almennu útreiðslurnar øktar úr knappum 4 mia kr. upp í 7,5 mia. kr.
So kann ein bara spyrja, hvør orsøkin er til, at almennu útreiðslurnar eru øktar so nógv, og um fólkið í Føroyum hevur tað tvífalt so gott í dag sum í 1997?
Viðmerkjast skal, at tað í 1997 var eitt avlop í landsroknskapinum við inntøkum svarandi til 2,5 mia. kr., meðan tær í 2010 vóru 4,5 mia. kr. og tá var hall.
Sambært Landsbanka Føroya er grundrakstur landskassans (tvs. uttan rentur, íløgur, einskiljingarinntøkur og aðrar kapitalinntøkur) versnaður við næstan 1.350 mió. kr. í tíðarskeiðinum 2000–2010.
Danmark hevur sambært OECD stórar avbjóðingar við teimum almennu útreiðslunum. Danski fíggjarmálaráðharrin, Bjarne Corydon, hevur ætlanir um at fáa nýggja lóggávu setta í gildið har m.a. tann vanligi almenni rakstrinum skal hava eitt útreiðsluloft. Eisini verður eitt loft á útgjøldini av almanna veitingunum og útreiðslunum hjá kommununum.
Landsstýrið eigur at taka hetta í stórum álvara og fremja í verki konkretar sparingar og rationaliseringar í tí almenna.

Annað á breddanum

  1. Frídagar um páskirnar

    Skírisdagur, langi fríggjadagur og 2. páskadagur eru heilir frídagar

    14. Apríl. 2025
    3 (3)
  2. Magnus Magnussen heldur fram sum formaður

    Nevndin í Føroya Handverksmeistarafelag hevur skipað seg

    14. Apríl. 2025 | Handverk og ídnaður
    Billede1 (3)
  3. Semja gjørd við Flogskiparafelag Føroya

    Føroya Arbeiðsgevarafelag og felagið fyri flogskiparar hava gjørt nýggjan tvey ára sáttmála

    14. Apríl. 2025 | Arbeiðsmarknaður
    Flogskiparafelag Føroya