Vinnudagurin 2012 fer at hava fyrilestrar við kenda danska vinnulívsmanninum Asger Aamund, stjóranum í vinnuráðnum í Nuuk, Marie Fleischer, og við stjóranum í Marine Harvest Norway, føroyska Ragnar Joensen.
Afturat hesum spennandi fyrilestrunum verður eisini kjak, sum væntandi verður eins væl eydnað og undanfarin ár.
Frá mikudegnum 22. august ber til hjá limum í Føroya Arbeiðsgevarafelag og undirfeløgum tess at melda seg til Vinnudagin, sum verður tann 28. september. Limir, sum melda til áðrenn 1. september, fáa serligan avsláttur.
Mánadagin 27. august verður opið fyri øllum at melda til Vinnudagin 2012. Tá verður eisini skráin til dagin kunngjørd. Tilmeldingarfreistin er 26. september.