Nýggj donsk kanning vísir, at talið av byggi- og anleggsfyritøkum, ið søkja um fígging, er hækkað. Samstundis vísir onnur kanning, at fíggjargeirin ikki lænir meira pening út til hesar fyritøkur.
Danmarks Statistik hevur kannað møguleikarnar hjá smáum og miðalstórum fyritøkum fyri at fáa fígging úr peningastovnunum. Kanningin vísir, at 40% av fyritøkunum hava søkt um fígging í 2009/2010, í mun til 34% í 2007. Ein onnur kanning, ið Tjóðbankin hevur gjørt, vísir tó, at peningastovnarnir ikki hava hug at veita fígging til hesar fyritøkur.
Kanningin hjá Danmarks Statistik vísir týðiliga, at fíggingarmøguleikarnir hjá hesum fyritøkum eru munandi versnaðir. Uppá stutta tíð hava bankarnir broytt mannagongd og latið kassan aftur fyri einum munandi parti av fyritøkunum. Harvið vátta hagtølini frá Danmarks Statistik teir vánaligu fíggingarmøguleikarnar hjá smáum og miðalstórum fyritøkum, sum danska Handverksráðið leingi hevur víst á. Síðsta útlánskanningin hjá Tjóðbankanum vísir eisini, at bankarnir halda fast um tann sera stranga kredittpolitikkin, sigur Jacob Thiel, leiðandi búskaparfrøðingur hjá Handverksráðnum.
Kelda: bygnet.dk
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi