Seinni í heyst fáa danir høvi at kunna seg um, hvat rørir seg í Føroyum á vinnuliga økinum. Tí saman við danska vinnublaðnum Børsen tann 25. november 2009 kemur eitt serblað, sum fer at seta sjóneykuna á partar av føroyskum vinnulívi umframt ymsar ætlanir á vinnuliga økinum.
Tað er Sendistova Føroya í Keypmannahavn, sum hevur fingið Uttanríkisráðið, Vinnumálaráðið og Vinnuhúsið at ganga saman um hesa ætlanina. Danska fyritøkan INPRESS leggur blaðið til rættis, og umboð fyri fyritøkuna vitja í hesum sambandi í viku 43.
Endamálið við blaðnum er m.a., at lesarin skal fáa kunnleika um møguleikar og ítøkilig viðurskifti í Føroyum og føroyskum vinnulívi. Kunnað verður m.a. um fyritøkur, ið eru skrásettar á danska keypsskálanum, umframt búskap, íløgumøguleikar, ferðavinnu og vinnumøguleikar annars.
Fyri at tryggja neyðugt fokus í blaðnum verður sjóneykan serliga sett á fyritøkur, sum fáast við menning av burðardyggari tøkni, umframt vinnugreinar, ið kunnu verða áhugaverdar fyri útlendskar íleggjarar.
Fyrireikararnir hava havt í huga, at Vinnumálaráðið fyrireikar eina sokallaða snarskivu fyri útlendskar íleggjarar, sum hava áhuga fyri at gera íløgur í Føroyum, umframt at Uttanríkisráðið fyrireikar føroysku luttøkuna í altjóða veðurlagsráðstevnuni, COP15, sum verður í Keypmannahavn tvær vikur eftir at blaðið kemur út.
Danska vinnublaðið Børsen hevur umleið 72.000 haldarar og dagliga lesaratalið er umleið 230.000.
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi