10. november verður Føroyskt/Íslendsk handilskamar stovnað í Føroyum.
Í hesum sambandi verður bjóðað til búmerkjakapping. Uppskot skulu verða okkum í hendi seinasta lagi 5. november 2012, og skal sendast í telduposti til kristin@chamber.is
Vinnarin fær eitt gávukort, ið er ein flogferðaseðil millum Føroyar og Ísland og heimaftur (skattur og avgjøld er ikki íroknað), eitt íslendskt lambstjógv ella eitt turt tjógv.
Leiðslan í Føroyska-Íslendska handilskamarinum boðar frá, hvør hevur vunnið kappingina fyrst í november mánað.
Uppskotini skulu sendast inn í myndaformati (png ella jpg) og vektorformati (feks. EPS= í tveimum støddum. Á einari síðu stórt format 1000 x 1000 px í lítlum formati 150 x 150 px.) Eftir kappingina verður búmerkið ogn hjá Føroyska –Íslendska handilskamarinum, og vil verða brúkt á heimasíðuni, á brævpappíri og marknaðarføringstilfari frá handilskamarinum.
Kappingin er opin fyri øll.
· Vinnandi uppskotið skal vera orginalt í sniðinum.
· Uppskotið skal vísa, at talan er um tvílanda samstarv millum Føroyar og Ísland
· Uppskotið skal bera teir litir, ið fløggini hava: blátt, reytt og hvítt.
Til samanberingar ber til at hyggja eftir búmerkjum á heimasíðuni hjá Íslendska Viðskiftaráðnum http://www.vi.is/althjodasvid.
Um føroyskt íslendskt handilskamar
· Ein bólkur av fyritøkum, feløgum og einstaklingum, sum luttaka í samhandlinum millum Føroyar og Ísland
· Hevur til endamáls at fremja samhandilin millum Føroyar og Ísland í mun til vørur og tænastur, flutning og íløgur
· Er eitt sosialt netverk fyri samskifti millum fyritøkur, feløg og einstaklingar og er eitt forum fyri samskifti við almennu myndugleikarnar
· Er eitt amboð til samskifti millum londini
· Verða við til flyting av vitan í spurningum, sum viðvíkja handlissamstarvinum millum Føroyar og Ísland bæði nú og í framtíðini
· Verða viðkomandi til at lætta um og styrkja um netverk og vinnulívið í londunum
· Halda fundir, verkstovur og ráðstevnur og hjálpa til, tá almennar og vinnuligar vitjanir eru
Stuðlað búmerkjakappingini hava Atlantic Airways og Faroe Ship