ES hevur gjørt av at seta strangari krøv til veiðuváttanir frá triðjalondum. Umframt upplýsingar um vektina av vøruni, verða framyvir eisini kravdar upplýsingar um landaða nøgd. Um so er, at eitt partí er sett saman av fiski frá fleiri landingum, skulu upplýsingar latast um, hvussu nógv av landaða fiskinum er brúkt til framleiðslu av júst hesum partínum.
Norsku fiskivinnumyndugleikarnir hava kunnað vinnuna um, at strangari krøv verða sett til veiðuváttanina framyvir.
Frá 1. januar í ár hevur ES kravt, at triðjalond, sum útflyta fiskavørur til ES, lata eina veiðuváttan fylgja við vøruni. Hetta er ein váttan, sum skal tryggja, at fiskavøran er fiskað lógliga.
Krøvini til tílíkar veiðuváttanir verða framyvir strangari. Nýggju krøvini frá ES eru, at upplýsast skal, hvussu rávøran frá hvørjari landing verður brúkt. Enn hava norðmenn tó ikki góðtikið nýggju krøvini.
Longu 15. august í ár hevur ES givið øllum limalondum boð um broyttu ásetingarnar. Fyribils eru fáar afturmeldingar um, hvussu gongur at hava eftirlit við nýggju reglunum, men norðmenn boða frá, at onkrir trupulleikar hava verið við at fáa norskar vørur inn í ES, men at hetta hevur lagað seg, orsaka av, at norskir eftirlitsmyndugleikar hava kunnað ES um norsku veiðuváttanina.
Í sambandi við hetta mál hava samráðingar verið millum norskar og ES myndugleikar, har norðmenn krevja undantak frá hesum nýggju reglunum.
(Kelda: www.kyst.no).
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi