Í ár verður FaroExpo fyriskipað fyri fjórðu ferð. Byrjað verður mánadagin 20. oktober og hildið verður áfram til hósdagin 23. oktober.
FaroExpo vendir sær til ídnaðar- og tænastufyritøkur innan fiski-, ali- og oljuvinnuna og almennar stovnar, ið eru viðkomandi fyri hesar. 55 fyritøkur eru tilmeldaðar - 20 útlendskar og 35 føroyskar.
Skipað verður fyri sonevndum partenariati í ítróttarhøllini í Runavík. Sum partur av FaroExpo verða eisini fyrilestrar í Kelduni í Skálafirði. Evnið á ráðstevnuni er “Vinnandi málstýring flytir mørk”.
