Ferðavinnustevnan 20. mars 2020 – opið er fyri tilmeldingum

02. mars. 2020 | Tíðindi | Ferðavinna

Ferðavinnustevnan er árliga tiltakið hjá Ferðavinnufelagnum, har ferðavinnufólk koma saman at skjóta ferðavinnuárið í gongd.

Stevnan verður í ár, sum vanligt, skipað við einum seinnapartstiltaki og eini veitslu um kvøldið, tá eisini heiðursbrøv verða handað.

Høvuðsevnið á Ferðavinnustevnuni í ár er MICE ferðavinna. MICE stendur fyri Meetings, Incentives, Conferences og Exhibitions og verður ofta nevnd vinnuferðavinna á føroyskum. Hugtakið er breitt og er ofta at hoyra í ferðavinnuhøpi, sum ein serliga úrtøkugóð ferðavinnugrein. Spurningurin er tó, um vit veruliga vita, hvat MICE ferðavinna fevnir um, og hvørjir møguleikar føroysk ferðavinna hevur í MICE ferðavinnu.

Hetta verður evnið á Ferðavinnustevnuni í Kongshøll 20. mars, tá ið vit fara at hoyra bæði yvirskipað og ítøkiliga um ætlanir og møguleikar og royndir og avbjóðingar í MICE ferðavinnu í Føroyum.

Vit eru so heppin at hava fingið Patrick Delaney á skránna til Ferðavinnustevnuna. Hann er ein av fremstu oddafólkunum í MICE ferðavinnuni og fer vónandi at geva føroysku ferðavinnuni íblástur til at gera enn meira við vinnuferðavinnu.

Melda til her 

Luttøkukostnaður:

Limir í Ferðavinnufelagnum:

- Kr. 600,- fyri hvønn luttakara um dagin

- Kr. 1.000,- fyri luttøku um dagin og kvøldið

Luttakarar sum ikki eru limir í Ferðavinnufelagnum:

- Kr. 1.000,- fyri hvønn luttakara um dagin

- Kr. 1.800,- fyri luttøku um dagin og kvøldið

Ferðavinnustevnan er fyri øll, sum virka í ferðavinnuni.

Tilmeldingarfreistin er 18. mars 2020.

Les meir um Ferðavinnustevnuna og tilnevningar til heiðursbrøv her.

Annað á breddanum

  1. Frídagar um páskirnar

    Skírisdagur, langi fríggjadagur og 2. páskadagur eru heilir frídagar

    14. Apríl. 2025
    3 (3)
  2. Magnus Magnussen heldur fram sum formaður

    Nevndin í Føroya Handverksmeistarafelag hevur skipað seg

    14. Apríl. 2025 | Handverk og ídnaður
    Billede1 (3)
  3. Semja gjørd við Flogskiparafelag Føroya

    Føroya Arbeiðsgevarafelag og felagið fyri flogskiparar hava gjørt nýggjan tvey ára sáttmála

    14. Apríl. 2025 | Arbeiðsmarknaður
    Flogskiparafelag Føroya