Føroya Arbeiðsgevarafelag hevur sett ein strategibólk at arbeiða við orku og umhvørvisspurningum og at koma við einum boði uppá, á hvønn hátt orkunýtslan og sostatt CO2 útlátið hjá føroyingum kann minka.
Fyrr í ár skipaði Vinnuhúsið, saman við øðrum, fyri veðurlagsráðstevnuni TACC. Hesin bólkur varð settur ásannandi, at CO2 útlátið skal minka, og at oljuprísurin er sera høgur, og at hetta eru avbjóðingar, sum vinnan má fyrihalda seg til.
Endamálið við arbeiðinum hjá strategibólkinum er
- at fáa eyðmerkt hvørji driv, sum eru innan orkusparing í londunum kring okkum,
- at fáa gjørt eina greining av støðuni í Føroyum,
- umframt at koma við nøkrum tilmælum um, hvussu farast skal fram fyri at minka um orkunýtsluna og sostatt føroyska CO2 útlátið.
Í strategibólkinum sita: Bergur Poulsen, Havsbrún; Magni Arge, Atlantic Airways; Johnny í Grótinum, Føroya Banki; Viberg Sørensen, Føroya Reiðarafelag; Joel undir Leitinum, Samskip; Hákun Djurhuus, SEV; Árni Jakobsen, SMJ og Marita Rasmussen, Vinnuhúsið.
Arbeiðið er farið í gongd, og eftir ætlan verður bólkurin liðugur við arbeiðið í september mánaða.
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi