RFH

Grøna orkuskifti og manning til skipini eru størstu avbjóðingarnar hjá altjóða handilsflotanum í løtuni

11. desember. 2023 | Tíðindi | Almenn tíðindi

Reiðarafelagið fyri Handilsskip, sum umboðar handilsskip í Føroyum, hevur sett sær fyri at hava ein virknan leiklut í at røkka altjóða krøvunum, um at minka um heimsútlátið. Føroyski handilsflotin virkar undir somu krøvum sum altjóða reiðarí, og tí krevst at vera árvakin og fylgja við, hvørji ítøkilig átøk skulu gerast fyri at leggja um til meira burðardyggar loysnir.

Reiðarafelagið fyri Handilsskip (RFH) luttók um vikuskiftið á ráðstevnuni “Shaping the future of shipping” í Dubai. Ráðstevnan var samskipað av International Chamber of Shipping (ICS), har RFH er limur. ICS er eitt áhugafelag fyri national reiðarafeløg fyri handilsskip og ICS umboðar 80% heimsflotanum.

RFH tekur undir við endurskoðaðu IMO strategiini, sum setur strangari krøv til reiðarí. Tí er umráðandi, at politikarar, vinnan, orkuveitarar og aðrir áhugapartar arbeiða saman, um tað skal verða møguligt at røkka nýggju málunum.” sigur Jens Meinhard Rasmussen, formaður í RFH.

Altjóða Loysnir
Ingilín D. Strøm, landsstýriskvinna í umhvørvismálum, luttók í einum politiskum kjaki á ráðstevnuni í Dubai. Landsstýriskvinnan nevndi m.a. at í mun til shipping, so er neyðugt við altjóða loysnum til ein altjóða trupulleika. Eisini segði hon, at lond hava ymsar avbjóðingar, og hesi ítøkiligu atlit eiga at verða partur av krøvum, sum verða sett londum og vinnuni.

Tvær høvuðsavbjóðingar
Ein av greiðu niðurstøðunum var, at altjóða handilsflotin hevur tvær stórar avbjóðingar. Onnur er umlegging til burðardyggar loysnir, sum kunnu viðvirka til eitt netto null útlát í 2050, og hin er at manna skipini. At manna skipiini snýr seg bæði um at hava nóg mikið av skikkaðum sjófólki, men eisini um at umskúla sjófólk, so tey eru til reiðar til orkuskiftið, sum fer fram komandi árini.

Á ráðstevnuni luttóku flestu viðkomandi áhugapartar, sum hava ein leiklut í at røkka endurskoðaðu IMO strategiini. Endamálið við ráðstevnuni var at savna stjórnir, reiðarar, havnarmyndugleikar, klassingarfeløg,  orkuveitarar, fíggingarstovnar o.o fyri at eyðmerkja átøk, sum kunnu gerast loysnir fyri at røkka málunum um at minkað útlatið.

Dagførdir málsetningar
International Maritime Organisation, IMO, sum er ein stovnur undir ST, dagførdi herfyri málsetningarnar fyri útlátið hjá altjóða handilsflotanum. Hetta merkir samstundis, at føroyski handilsflotin arbeiðir stútt og støðugt við at liva upp til hesi krøv. Talan er um stórar íløgur, sum føroysku reiðaríini eru í holt við. Millum annað eru bæði ný- og umbyggingar settar í gongd.

Annað á breddanum

  1. Nýggj kanning av marknaðaratgongd fyri føroyskar vørur og tænastur

    Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar

    01. Juli. 2024
    Depositphotos 442622378 L
  2. Hvør skal hava heiðurin sum Vinnuátakið 2024?

    Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.

    25. Juni. 2024 | Almenn tíðindi
    VINNUÁTAKIÐ 2024
  3. Greining: Útlendsku starvsfólkini stóran búskaparligan týdning

    Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin

    24. Juni. 2024 | Almenn tíðindi
    Timburmadur