Á Aliráðstevnuni fríggjadagin legði Helgi Jacobsen, rithøvundur fram nýggja bók, sum lýsir alisøguna í Føroyum.
Fyri umleið tveimum árum síðani gjørdi nevndin í Havbúnaðarfelagnum av, at felagið skuldi fara undir at finna fram tilfar, sum lýsir føroysku alivinnuna frá einum søguligum sjónarhorni. Fyrsta stigið var at fáa kanna um tilfar var til og fáa skrásett hetta tilfari, fyri síðani at taka støðu til um, hetta var nokk til at skriva søguna hjá alivinnuni.
Fyri umleið einum ári síðani byrjaði arbeiðið og nakrar fáar mánaðir seinni var støðan tikin og farið var undir at skriva alisøguna.
Bókin kom í bókabúðirnar fríggjadagin 25. feb. 2011.