Á aðalfundinum hjá Samskifti vóru Niels Arge Galán, Jan Berg Jørgensen og Michael Koba afturvaldir. Nevndin hevur ikki skipað seg enn.
Endamál felagsins er at savna føroysku lýsingarfyritøkurnar og taka sær av teirra yrkisligu, felagsligu og fíggjarligu áhugamálum.
Nevndin fegnast um, at í seinasta valskeiði er limatalið í Samskifti meira enn tvífalda. Níggju føroyskar lýsingarfyritøkur eru nú limir í Samskifti.
Samskifti hevur skrivstovu í Vinnuhúsinum.
