Fríggjadagin í farnu viku varð aðalfundur hildin í Føroya Ráfiskakeyparafelag.
Á aðalfundinum stóðu formaðurin, Simon P. Jacobsen (Faroe Seafood), og nevndarlimirnir, Petur H. Mohr (Norðís) og Páll Gregersen (Fiskavirkið), fyri vali. Simon P. Jacobsen og Petur H. Mohr vórðu báðir valdir aftur, meðan Páll Gregersen ikki ynskti at stilla upp aftur. Til nýggjan nevndarlim valdi aðalfundurin í staðin Jógvan Gregersen (Vaðhorn). Jógvan er tó ikki ókendur við nevndararbeiðið í Ráfiskakeyparafelagnum, tí hann hevur eisini sitið í nevndini fyrr. Hinir báðir nevndarlimirnir eru Joen Magnus Rasmussen (Tavan) og Regin Mikkelsen (Rainbow Seafood), sum hevur verið næstformaður undanfarna nevndarskeið. Tiltakslimur til nevndina í Føroya Ráfiskakeyparafelag er Ludvík við Stein (Thomson). Nevndin hevur ikki skipað seg av nýggjum síðani aðalfundin.
Á aðalfundinum varð ársfrágreiðingin hjá felagnum eisini løgd fram og kann hon takast niður her.