Kanningar: Høgar sáttmálalønir hvørki ein fyrimunur fyri starvsfólk ella fyritøkur

06. februar. 2012 | Tíðindi | Arbeiðsmarknaður

Um minstalønin hækkar, eru tað lægstløntu starvsfólkini í fyritøkuni, sum fyrst verða søgd úr starvi. Hetta vísir ein svensk vísindalig kanning av svenska detailhandlinum frá árunum 2001-2005, sum varð kunngjørd í 2011. Fyritøkurnar velja í staðin at halda uppá starvsfólk, sum fáa hægri løn enn sáttmálalønina.

Tí kunnu tiltøk at hækka sáttmálalønina hava ta avleiðing, at tað eru lægstløntu starvsfólkini í fyritøkuni, sum verða verri fyri av einari hækkandi sáttmálaløn.
Hetta úrslit er væl í tráð við úrslitið úr Canandiskari kanning frá 2011, sum eisini kannar sambandið millum minstulønir og fátækradømi. Kanningin vísir, at um minstalønin yvir eitt áramál hækkar 10%, økist parturin av fátøkum familjum við 4-6 %. Niðurstøðan í kanningi er:
"Therefore, a higher minimum wage may paradoxically result in a significant negative shock to household income among low-income families."
Hækkandi sáttmálalønir eru heldur ikki ein fyrimunur fyri starvsfólkini, sum eru eftir í fyritøkuni. Ein kanning frá Fackföreningarnas Institut för Ekonomisk Forskning í 2002 vísti, at fyritøkur við einari størri lønarspjaðing eisini hava hægri miðallønir enn fyritøkur við einari lítlari lønarspjaðing. Trupulleikin við einari høgari sáttmálaløn er, at hon minkar um lønarspjaðingina, og harvið eisini um miðallønina.
Orsøkin til hetta kann vera, at fleiri kanningar vísa, at fyritøkur við einari størri lønarspjaðing eisini eru meira produktivar og lønsamar enn fyritøkur, har lønarspjaðingin er lítil.
Niðurstøðan frá hesum kanningum er sostatt, at ein høg sáttmálaløn hvørki er ein fyrimunur fyri starvsfólk ella fyritøkur.
Kelda: Svenskt Näringsliv

Annað á breddanum

  1. Føroya Handverksmeistarafelag: Lisitatiónslógin er ein styrki, ikki ein forðing

    Tá SEV í grein á VP sigur at pumpuskipanin í Vestmanna gjørdist dýrari orsaka av lisitatiónslógini, vil Føroya Handverksmeistarafelag gera vart við, at tað er ein undanførsla

    04. Juli. 2024 | Handverk og ídnaður
    Vinnuhusi 4991
  2. Nýggj kanning av marknaðaratgongd fyri føroyskar vørur og tænastur

    Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar

    01. Juli. 2024
    Depositphotos 442622378 L
  3. Hvør skal hava heiðurin sum Vinnuátakið 2024?

    Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.

    25. Juni. 2024 | Almenn tíðindi
    VINNUÁTAKIÐ 2024