Fiskimálaráðið skipar saman við Føroya Ráfiskakeyparafelag og Føroya Reiðarafelag fyri kunnandi fundi á Hotel Hafnia týsdagin 15. desember 2009 kl. 14.00, um nýggj krøv frá ES í sambandi við innflutning av fiski og fiskavørum.
Frá 1. januar 2010 krevur ES, at allur føroyskur fiskur sum verður fluttur á marknaðin í ES-londum, hevur eina veiðuváttan, har føroyskir myndugleikar vátta, at fiskurin er lógliga veiddur. Somu krøv vera eisini galdandi fyri onnur lond.
Nýggja kravið ber í sær, at føroyskir útflytarar og skip, sum selja fisk til keyparar í ES-londum, skulu útfylla eina veiðuváttan, ið m.a. skal innihalda upplýsingar um, hvat verður innflutt til ES, og hvørjum skipum fiskurin stavar frá.
Hendan váttan skal fylgja við øllum føroyskum fiski og fiskavørum, sum verður innfluttur í ES. Um ikki, hevur tað við sær, at fiskurin ikki sleppur inn í ES.
Harafturat seta nýggju ES-reglurnar krøv til føroysk skip, sum landa beinleiðis í ES-havnum, um at boða frá, áðrenn tey koma í havn.
Á kunningarfundinum týsdagin fara starvsfólk í Fiskimálaráðnum at greiða frá nýggju krøvunum frá ES og hvat tey merkja fyri føroyskar fiskaútflytarar og fiskiskip, sum landa í ES havnum.
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi