Mánadagin 2. apríl kl. 09.00 skipar Felagið Peningastovnar fyri áhugaverdum kunningartiltaki um fyritøkuveð á Parnassinum á Hotel Hafnia.
Endamálið er at upplýsa um fyritøkuveð og kunna um, hvussu fyritøkuveð, áognarpant og veðsetingarbann kunnu betra um fíggingarmøguleikarnar hjá fyritøkum.
Lóggáva um fyritøkuveð er ikki í Føroyum, men royndirnar í Danmark vísa, at hendan lóggáva kann betra um møguleikarnar hjá fyritøkum at fáa fígging.
Fyritøkuveð er heimilað og nógv brúkt sum veðsetingarháttur í øllum okkara grannalondum umframt í fleiri londum í europa. Tað er tískil ein fyritreyt, at fyritøkupant verður heimilað í føroyskari lóggávu, um ynskiligt er at fáa betri fíggingarmøguleikar hjá vinnuni í Føroyum.
Vegleiðandi skrá:
· Hvat er fyritøkuveð? Henry Heiberg partner í KPMG
· Hví fáa lóggavu um fyritøkuveð? Henry Heiberg partner í KPMG
· Avleiðingar um einki hendir Henry Heiberg partner í KPMG
· Spurningar og viðmerkingar
Henry Heiberg hevur fyrilestur í uml. 1-1,5 tíma. Eftir hetta er kjak/prát millum luttakararnar og nevndina í Felagnum Peningastovnar.
Tiltakið er ætlað vinnuni og er ókeypis.
Tilmelding fer fram við at senda teldupost til industry@industry.fo ella við at ringja á tlf. 309900.