Limatiltak í Havnar Handverksmeistarafelag

14. januar. 2019 | Tíðindi | Handverk og ídnaður

Fríggjakvøldið 18. januar skipar Havnar Handverksmeistarafelag fyri limatiltaki um setanarprógv og um nýggju tryggingarnar, sum nú koma í gildi fyri allar handverksmeistarar.

Í oktober varð nýggjur tvey ára sáttmáli gjørdur við handverkarafeløgini. Á fundinum verður greitt frá broytingunum í nýggja sáttmálanum.

Á fundinum verður eisini tosað um setanarskriv. Lógin um setanarprógv sigur, at øll starvsfólk, ið eru sett í starv meira enn ein mánaða, og sum í miðal arbeiða meira enn 8 tímar um vikuna, skulu hava eitt setanarskriv. Á fundinum fara vit at gjøgnumganga dømi sum uppfylla lógarkravdu upplýsingarnar til setanarskriv.

Fyrsta punktið á skránni snýr seg tó um tryggingar. Føroya Handverksmeistarafelag hevur gjørt avtalu við LÍV um samlagstrygging fyri allar limir felagsins. Her verður kunna um tey praktisku viðurskiftini, nú tryggingarnar, lívstrygging og trygging móti ávísum hættisligum sjúkum, koma í gildi. Umboð fyri LÍV luttaka á fundinum.

Skrá:

1.   Lívstrygging og trygging móti ávísum hættisligum sjúkum til meistarar

Steðgur

2.   Kunning frá sáttmálasamráðingunum

3.   Kunning um setanarskriv við praktiskari vegleiðing

Kaffi og kaka verður at fáa í steðginum millum evnini. Eftir framløgunar verður ábit. Tiltakið byrjar kl 17.00.

Tilmelding á industry@industry.fo. Nýggir limir eru vælkomnir.

Annað á breddanum

  1. Starv sum samskiftisráðgevi til Vinnuhúsið

    Føroya Arbeiðsgevarafelag søkir eftir einum samskiftisráðgeva til Vinnuhúsið

    25. November. 2024 | Almenn tíðindi
    Ráðgevi2
  2. Hátíðarhald og diplomhandan í ferðavinnu í Vinnuhúsinum

    Týsdagin í farnu viku fingu næmingar í íverksetanar- og ferðavinnubreytini á NámX handað prógv í Vinnuhúsinum

    25. November. 2024 | Ferðavinna
    Námx 2
  3. LX International á vitjan í Vinnuhúsinum

    Í farnu viku vóru umboð frá Suðurkoreansku fyritøkuni, LX International, í Føroyum og kunnaðu seg um Føroyar og føroyskt vinnulív. Serliga var áhugin stórur fyri føroyskum makreli og laksi.

    25. November. 2024 | Samhandil
    Depositphotos 442622378 L