Seinastu viku var Mette K. Kibsgaard sett í starv sum samskipari og skrivari hjá NATA og Ferðavinnufelagnum, sum halda til í Vinnuhúsinum.
Mette K. Kibsgaard er útbúgvin stjórnmálafrøðingur frá Universitetinum í Aarhus. Síðan lokna útbúgving hevur Mette átikið sær fyrifallandi arbeiðið og hevur m.a. royndir sum verkætlanarstarvsfólk.
_____
FAKTA
NATA er ein felagsskapur, sum stendur fyri ferðavinnusamstarvinum millum Ísland, Føroyar og Grønland. NATA skipar m.a. fyri Vest Norden Travel Mart og stuðlar undir samvinnu annars millum londini innan ferðavinnuøkið.
Ferðavinnufelagið er vinnugreinafelagið hjá fyritøkum í ferðavinnuni í Føroyum.