Vinnudagurin 2023 verður hildin 29. september 2023 og til ber at kunna seg um skránna

Vinnudagurin verður í ár, eins og undanfarin ár, hildin í snøggu kørmunum í Norðurlandahúsinum, og veitslan verður hildin í Reinsarínum og Perluni.

Mia Wagner, íleggjari, medstovnari av Nordic Female Founders og fyrrverandi leyvinda í Løvens Hule, fer at greiða frá egnum royndum sum íverkseti og vinnulívskvinna. Nordic Female Founders var stovnað í 2020, við tí endamálið at økja um diversitetin í íverksetan í Danmark.

Jon Andersen, fyrrverandi fótbóltsspælari, strategiskur stjóri og stovnari av STATE, fer at taka okkum við á sína ferð sum íverkseti. Ein ferð í viðgongd og mótgongd, til hann at enda hevði ment tann væl umtókta orkudrikkin hjá donsku Manchester United-stjørnuni Christian Eriksen og altjóða ikoninum og tennisleikaranum Carolinu Wozniacki, STATE.

Shawn Dubravac, amerikanskur framtíðargranskari, fer at greiða frá, hvussu talgilding broytir arbeiðsmarknaðin og mátan vit samskifta. Hann fer eisini at hugleiða um talgildu framtíðina og hvussu vit fyrireika okkum best til at møta henni.

Óli Kristian á Torkilsheyggi, stovnari og stjóri í Navia, fer at greiða frá, hvussu ein siðbundin tógv- og ullavinna brúkar 3D-bindimaskinur. Hesar geva fyritøkuni eina burðardyggari framleiðslu og hava gjørt tað møguligt at flyta nær um alla framleiðsluna heimaftur til Føroyar.

Eru vit við í talgildu umskipanini? Á Vinnudegnum verður eisini samrøða við Ólav Ellefsen, íverkseta og teldufrøðing, um útbúgvingartørvin í Føroyum. Ólavur strembar eftir at seta á stovn fyritøkur og stovnar, sum styrkja føroyska samfelagið og sum eisini hava eina jaliga, heimsfevnda ávirkan. Hoyr hann greiða frá, í samrøðu við Óluvu Zachariassen, orðstýrara, hvussu talgilda umskipanin setur krøv til útbúgvingartørvin í Føroyum.

Og ikki minst verða Ársins Virki og Vinnuátakið kosin á Vinnudegnum eins og siður er.

Tilmelding
Enn ber bert til hjá limum í Føroya Arbeiðsgevarafelag og undirfeløgum tess at melda seg til Vinnudagin.

Limir, sum melda til áðrenn 5. september á midnátt, fáa luttøkuna til ein serligan prís.

Týsdagin 5. september verður opið fyri øllum at melda til Vinnudagin 2023.

Tilmeldingarfreistin er týsdagin 26. september 2023.

Vinnarar Ársins Virki og Vinnuátakið undanfarin ár:

Vinnarin av Ársins Virki 2022

Vinnarin av Vinnuátakinum 2022