Burturkast 1

Netverkstiltak um burturkast og ringbúskap

26. august. 2024 | Tíðindi | Almenn tíðindi

Tann 11. september skipar Føroya Arbeiðsgevarafelag fyri innleiðandi netverkstiltaki um burturkast og ringbúskap. Tiltakið er ætlað fyritøkum, ið vilja gerast partur av netverki, ið arbeiðir við burðardygd

Føroya Arbeiðsgevarafelag fer nú at skipa netverk innan burðardygd, bæði fyri fyritøkur, ið longu eru farnar í gongd, men eisini fyri tær, sum eru nýggjar á økinum. Á innleiðandi netverkstiltaki 11. september verður kunnað meiri um, hvussu netverkini verða skipað og hvørji krøv eru til luttøku.

Fyrsta evni á skrá er burturkast
Føroyskar vinnufyritøkur eiga meir enn helvtina av samlaða føroyska burturkastinum. Skal størri partur av tilfarinum haldast í ringrás, er neyðugt at burturkastøkið fær hægri politiska raðfesting. Vinnufyritøkur mugu hava fleiri møguleikar til endurvinning og eisini má innsavningin av burturkasti blíva meiri fjølbroytt. Ein fyritreyt fyri menning er eisini, at fyritøkur fáa til vega góðskutryggjað hagtøl, soleiðis at til ber at seta sær mál.

Á innleiðandi netverkstiltakinum verða tríggjar áhugaverdar framløgur um burturkast og ringbúskap:

  • Umhvørvisstovan greiðir frá nýggju burturkastkunngerðini
  • Stena Recycling Danmark greiðir frá, hvussu fyritøkur kunnu leggja arbeiðið við burturkasti til rættis
  • IRF og KB greiða frá, hvørjar avbjóðingar eru við vinnuburturkasti og vísa á møguligar loysnir

Netverkstiltakið verður mikudagin 11. september á Hotel Runavík kl 9:00-12:00. Eftir døgurða ber til at vitja IRF á Hagaleiti og síggja hvussu burturkast verður handfarið.

Allir beinleiðis og óbeinleiðis limir í Føroya arbeiðsgevarafelag kunnu luttaka. Tiltakið er ókeypis.

Melda til luttøku í seinasta lagi hósdagin 5. september við at senda ein teldupost til: industry@industry.fo

Les eisini: Burðardygt Vinnulív gerst partur av Føroya Arbeiðsgevarafelagi

Annað á breddanum

  1. Játtanarkarmarnir mugu seta útreiðslusíðuna í miðdepilin

    Nú játtanarkarmarnir fyri 2026 skjótt verða lagdir fyri Løgtingið, eigur dentur at verða lagdur á afturhaldni á útreiðslusíðuni og á nýskipanir, sum kunnu effektivisera almenna geiran

    11. Mars. 2025
    6W3A0235
  2. Nýtt undirvísingartilfar um burðardygd í byggivinnuni

    Føroya Handverksmeistarafelag fegnast um, at undirvísingartilfarið Skills4Reuse nú er tøkt á føroyskum

    10. Mars. 2025 | Handverk og ídnaður
    Fm Fyri Handverk
  3. Framløgurnar frá Aliráðstevnuni nú tøkar

    Framløgurnar frá Aliráðstevnuni, sum varð hildin í februar, eru nú tøkar á heimasíðuni hjá Vinnuhúsinum

    10. Mars. 2025 | Havbúnaður
    G1A4363