Henny á Líknargøtu er vald forkvinna í Ferðavinnufelagnum
18. november var aðalfundurin í Ferðavinnufelagnum hildin. Jóhanna Rasmussen, Fríðun Jacobsen og Eirik Suni Danielsen stóðu fyri valið og vóru afturvald á aðalfundinum. Harafturat var Gunnar Skúvadal nývaldur tiltakslimur.
Á nevndarfundi 1. desember skipaði nevndin seg soleiðis: Henny á Líknargøtu, Smyril Line er nýggjur formaður í Ferðavinnufelagnum. Hon yvirtekur formanssessin eftir Jákup Sverra Kaas, Atlantic Airways, sum hevur verið formaður seinastu tvey árini. Nýggjur næstformaður er Fríðun Jacobsen, GreenGate Incoming. Hini í nevndini eru Jákup Sverri Kass, Atlantic Airways, Jóhanna Rasmussen, Hotel Føroyar og Eirik Suni Danielsen, Gjáargarður.