Hósdagin 27. september skipaði nevndin seg við Niels Arge Galán sum formann og Michael Koba sum næstformaður. Harumframt er Jan Berg Jørgensen eisini í nevndini.
Á myndini sæst: Jan Berg Jørgensen, Michael Koba og Niels Arge Galán
Samskifti er vinnugreinafelag hjá øllum virkjum í Føroyum, ið fáast við virkissamskifti og samskiftisráðgeving. Herundir eru sniðgáva og lýsingar eisini ein partur av hesum.
Endamál felagsins er “at savna føroysku sniðgávu- og samskiftisvirkini og taka sær av teirra yrkisligu og felagsligu áhugamálum”.
Limir í felagnum kunnu gerast øll virki, sum starvast innan samskiftisráðgeving, grafiska sniðgeving og lýsingarsmíð.