Á midnátt í kvøld er síðsta freist hjá persónum við roknskaparskyldu at lata skattauppgerð inn.
Fyrr í ár sendi TAKS út skattauppgerð og sjálvuppgávu fyri 2009. Freistin hjá borgarunum at koma við fleiri upplýsingum ella broytingum til tølini hjá TAKS var 15. mars. Hjá teimum, ið hava roknskaparskyldu ella uttanlandsinntøku er freistin tó 3. mai kl. 24:00, sum er á midnátt í kvøld.
Á heimasíðuni hjá TAKS stendur, at einfaldasti hátturin at boða frá broytingum er umvegis www.eskatt.fo. Roknskaparskyldug skulu viðleggja roknskapin og ognaruppgerðina í fílu. Eru aðrar viðmerkingar at fráboða í sambandi við broytingina, skulu tær sendast umvegis 2009@taks.fo.