Síggj handilslærlingar greiða frá og ver við í lutakasti

16. desember. 2019 | Tíðindi | Handilsvinna

Inni á Facebook síðuna “Vit sum handla” kanst tú síggja ymsar handilslærlingar greiða frá spennandi gerandisdegi sínum, samstundis sum tú kanst vera við í lutakasti um góðar vinningar frá handlunum, har hesir lærlingar eru í læru.

Handilslæran er spennandi og mennandi, bæði persónliga og fakliga.

Í handilslæruni kemur tú í samband við nógv ymisk fólk í einum spennandi og fjølbroyttum gerandisdegi við nógvum og ymiskum uppgávum og avbjóðingum.

Handilsútbúgvingin er góð at hava í skjáttuni, tí hon letur upp fyri nógvum møguleikum.

Tú hevur møguleikan at halda fram, har tú hevur staðið í læru og koma longur upp eftir stiganum. Tú hevur eisini møguleikan at søkja starv í onkrari aðrari fyritøku í handilsvinnuni, har tað er eitt breitt úrval av fyritøkum av ymsum slag.

Handilsútbúgvingin gevur gott innlit í sølu, marknaðarføring og tænastu, umframt roknskapar- og mvg-viðurskifti.

Sostatt er handilsútbúgvingin eisini eitt gott prógv at hava í viðførinum, um tú seinni í lívinum broytir hugsan og velur at fara aðrar vegir.

Annað á breddanum

  1. Frídagar um páskirnar

    Skírisdagur, langi fríggjadagur og 2. páskadagur eru heilir frídagar

    14. Apríl. 2025
    3 (3)
  2. Magnus Magnussen heldur fram sum formaður

    Nevndin í Føroya Handverksmeistarafelag hevur skipað seg

    14. Apríl. 2025 | Handverk og ídnaður
    Billede1 (3)
  3. Semja gjørd við Flogskiparafelag Føroya

    Føroya Arbeiðsgevarafelag og felagið fyri flogskiparar hava gjørt nýggjan tvey ára sáttmála

    14. Apríl. 2025 | Arbeiðsmarknaður
    Flogskiparafelag Føroya