Hósdagin tann 12. mai 2011 skipar Vinnuhúsið fyri tiltaki um Risk Management á Hotel Hafnia. Tiltakið varðar frá kl. 9 til 12. Frá kl. 8.30 kunnu luttakarar fáa eitt lætt morgunábit, áðrenn tiltakið byrjar.
Í eini tíð, har tað er avgerandi, at allir útreiðslupostar eru væl trimmaðir, kann tað vísa seg at gerast ein kostnaðarmikil lærdómur ikki at hava eina rætta mynd av samlaðu váðastøðuni.
Fyritøkur, sum nýta Risk Management í sínum dagliga arbeiði, koma at greiða frá, hvussu tær hava fingið eina betri váðastøðu.
Nógv er at vinna við at betra um váðastøðuna. T.d.:
- Størri tryggleiki og betur fíggjarligur dekningur
- sparingar í útreiðslum og betur rakstur,
- kunna arbeiða meira miðvíst við tí, ein er best til og
- vera til reiðar til framtíðar avbjóðingar og váðar.
Vinnuhúsið hevur bjóðað Allan Skaalum, sum arbeiðir sum ráðgevi innan Risk Management, og Ali Celebi, sum er óheftur tryggingarráðgevi og tryggingarmeklari, at koma at greiða frá, hvussu ein váðalýsing kann gerast, og hvussu váðastøðan kann betrast. Eisini kemur William Smith, viðlíkahaldsleiðari hjá Atlantic Airways, og John Andersen, risikosamskipari hjá Odense kommunu, at greiða frá, hvussu teir handfara váðastýringina í teirra arbeiði.
Tiltakið er ætlað stjórum og leiðarum í privatu vinnuni umframt almennum og kommunalum stjórum og leiðarum.
Kostnaður fyri limir er kr. 499,- Fyri ikki limir kr. 600,-
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi