Føroya Handverksmeistarafelag hevði aðalfund hósdagin 20. mai. Á fundinum var millum annað nevndarval á skránni.
Formaður felagsins farnu árini, Magnus Magnussen, stóð fyri vali og varð hann afturvaldur. Herumframt vórðu tveir nýggir nevndarlimir valdir. Hesir vóru Ólavur A. Olsen úr Eysturoyar Handverksmeistarafelag og Jens Kristian Haraldsen, ið eisini er nývaldur formaður í Vága Handverksmeistarafelag.
Hinir nevndarlimirnir eru Anskar Hansen, sum umboðar Meistarafelagið í Klaksvík og Jón Danielsen, sum eins og Magnus Magnussen umboðar Havnar Handverksmeistarafelag.
Nevndin hevur skipað seg við Magnus Magnussen sum formanni og Ólavi A. Olsen sum næstformanni.