Hósdagin 19. nov. legði landsstýrismaðurin í Vinnumálum fram ætlanina “Vøkstur og virksemi”. Vinnugreinafeløg og fyrtøkur kunnu nú gera viðmerkingar til ætlanina umvegis heimasíðuna hjá Vinnumálaráðnum ella umvegis Vinnuhúsið.
Endamálið við teimum 23 átøkunum í vakstarpakkanum er at stuðla undir búskaparvøkstur, bæði nú og seinni.
Við støði í vinnupolitikkinum og búskaparstøðuni hevur Vinnumálaráðið sett fylgjandi krøv til raðfestingina av átøkunum:
§ Átøkini skulu skapa vøkstur lutfalsliga skjótt
§ Átøkini eiga at kunna fremjast innan lutfalsliga stutta tíð
§ Átøkini skulu kunna fíggjast
§ Átøkini skulu spenna so vítt, sum møguligt (t.d. ávirka so nógv starvspláss, sum møguligt).
Tey 23 átøkini eru bólkaði í fýra. Hesi eru:
§ Átøk at betra um vinnuligu karmarnar
§ Átøk at menna nýggjar vinnur
§ Førleikamenning og útbúgving
§ Marknaðarføring av Føroyum sum íløguland.
Kunning um ætlanina “Vøkstur og virksemi” er á heimasíðuni hjá Vinnumálaránum http://www.vmr.fo/Default.aspx?ID=8621, har eisini ber til at gera viðmerkingar. Fyritøkur, sum eru limir í feløgunum í Vinnuhúsinum, eru eisini vælkomnar við viðmerkingum umvegis Vinnuhúsið við at senda teldupost til industry@industry.fo.
Annað á breddanum
Nýggj kanning av marknaðaratgongd fyri føroyskar vørur og tænastur
Føroyskar fiskaútflutningsfyritøkur eftirlýsa betri marknaðaratgongd tollmessiga og veterinert á fleiri áhugaverdum marknaðum. Føroyskir útflytarar av tænastum eftirlýsa fleiri tvískattasáttmálar
01. Juli. 2024Hvør skal hava heiðurin sum Vinnuátakið 2024?
Á árliga Vinnudegnum velur ein dómsnevnd á hvørjum ári Ársins Virki og Ársins Vinnuátak. Hetta er eisini ætlanin at gera í ár.
25. Juni. 2024 | Almenn tíðindiGreining: Útlendsku starvsfólkini stóran búskaparligan týdning
Nýggj búskaparlig greining vísir, at útlendsk starvsfólk hava stóran týdning fyri føroyska búskapin. Lutfalsliga stórur partur av útlendingunum koma til Føroya í arbeiðsørindum, og tað er eisini við til at økja um positivu ávirkanina á búskapin
24. Juni. 2024 | Almenn tíðindi