Umsóknarfreistin er 13. mars 2017.
Endamálið við NORA er at styrkja samstarvið í Norðuratlantshavi. Verkætlanarstuðulin, sum verður givin tvær ferðir árliga, er eitt av amboðunum til hetta. Partnarar í verkætlanini skulu vera úr í minsta lagi tveimum av teimum fýra NORA-londunum. NORA-londini eru Føroyar, Grønland, Ísland og Strandanoreg.
NORA kann stuðla við í mesta lagi 500.000 kr um árið í trý ár. Til ber tó eisini at søkja um smærri upphæddir.
Í virksemisætlan síni fyri árini 2017-2020 leggur NORA serliga dent á hesi øki:
- Skapandi ídnaður
- Grøn orka
- Lívbúskapur
- Burðardygg ferðavinna
- Kunningar- og samskiftistøkni
- Vælferðartænastur
- Trygd/tilbúgving á sjónum
Fyrra umsóknarumfar í 2017 er nú, og freisini at søkja er 13. mars.
Oyðiblað, mannagongdir og onnur kunning er á heimasíðuni hjá NORA www.nora.fo.
Kelda: www.nora.fo
