Føroya Arbeiðsgevarafelag harmast um at boða frá, at ráðiligt er ikki at halda Vinnudagin í ár.
Í 20 ár hevur vinnudagurin trúliga verið hildin ár undan ári og er vorðin fastur táttur á skránni hjá Vinnuhúsinum og vinnulívinum. Ein hátíðardagur har vinnulívsfólk og onnur áhugað hittast til gamans og álvara og fagna Ársins Virki og Vinnuátakinum.
Í ár hevur Korona spælt okkum eitt puss. 2020 er ikki sum undanfarin ár, og Føroya Arbeiðsgevarafelag heldur ikki, at tað er ráðiligt at savna alt vinnulívið saman til eitt tiltak, sum kann hava vanda fyri smittuspjaðing við sær. Vit hava tó eina vón um, at hetta ikki er ein varandi støða og síggja fram til at halda vinnudagin saman við tykkum næsta ár.
Vinnudagurin næsta ár verður í Norðurlandahúsinum 1. oktober 2021.
