Lóg um arbeiðsumhvørvi var sett í gildi í Føroyum í ár 2000.
Endamálið við arbeiðsumhvørvislógini er, at:
- virka fyri einum tryggum og heilsugóðum arbeiðsumhvørvi, sum altíð er í samljóð við teknisku og sosialu gongdina í samfelagnum
- at skapa grundarlag fyri, at virkini sjálv kunnu loysa sínar trygdar- og heilsuspurningar eftir vegleiðing og í samstarvi við feløgini á arbeiðsmarknaðinum og við vegleiðing og undir eftirliti av Arbeiðseftirlitinum.
Í høvuðsheitum fevnir lógin um alt arbeiði gjørt fyri arbeiðsgevarar á landi.
Føroya Arbeiðsgevarafelag heldur, at øll eiga at at taka lut og vera partur av menningini og vøkstrinum í samfelagnum. Eingir samfelagsbólkar eiga at føla seg útihýstar, og arbeiðsumhvørvislóggáva skal virka fyri tryggum og heilsugóðum arbeiðsumhvørvi, sum altíð fylgir tøkniligu menningini og sosialu gongdini í samfelagnum. (Vinnusjónarmið)